貓啡 (已搬遷) 新店位置

剛剛收工，諗住同同事食埋飯先返屋企，咁我地去到旺角搵間貓cafe 食下野傾下計，玩下貓，釋放返啲返工負能量出返黎～我地大約18:00左右到cafe，已經有6個客係度，我哋搵個位坐低後就點餐。原來佢地有個set，有主食，小食，飲品，加加埋埋大約$160左右一set，咁又唔算貴，又有得玩貓～我地擇了；大啡菇意式雜菜扁意粉（小食，凍飲)$161大啡菇好有菇味，沒有草青味，意粉煮得剛剛好，好有彈性，味道不會太濃～巴馬火腿辣茄寛條麵（小食，熱飲)$156味道偏酸，幾開胃，配搭埋巴馬火腿的鹹味，味道十足，鍾意食重口味嘅人啱晒，但係美中不足，辣茄醬一啲辣味都無，不過都好味～我地坐咗2個幾鐘，大部份嘅貓貓都好乖，可以同貓貓互動，好玩好開心～