樂園 (已搬遷) 新店位置

今日去咗尖沙咀iSquare附近嘅一間樓上cafe，地點非常方面，食物質素亦非常高，最特別係有兩隻毛小孩陪我一齊食飯，見到佢哋肥嘟嘟，特別開心，難怪呢度叫樂園！介紹！呢度裝潢非常溫馨，感覺好似屋企一樣！呢度d飲品都各具特色，我地叫左呢兩杯分別係朱古力金沙同Oreo沙冰，唔會太甜，呢d日子飲真係透心涼！仲好靚tim！食物方面，我叫左香煎鵝肝黑松露意大利飯，鵝肝外皮香脆，入面軟滑，入口融化，齒頰留香！意大利飯軟硬適中，難怪每台都叫啦！我地仲叫左份燒春雞！要燒到外脆內軟並飛易事，你地睇下，鮮嫩多汁，配左兩個汁，一個係泰式辣汁，係師傅調製的，並非食脆香雞個隻汁，另一個係芝麻醬加左d特別醬汁汁，fresh又好食！大大加分！呢個地段，食物質素好，價錢都唔貴，最適合三五知己黎聚聚！玩下貓咪！（比佢玩）哈哈！