Dee Dee Bakery (已結業)

最近銅鑼灣開咗間新嘅麵包店，以貓咪為主題，店內有好多貓貓裝飾，連個夾都係貓貓手，超級可愛。麵包款色眾多，另外仲有即整潛艇、沙律、冷食、咖啡、奶茶等，經過可以一試。貓咪主題當然唔少得要佢哋嘅貓貓設計造型麵包，有三色、紫薯同咖啡口味，每袋有三片，食落好鬆軟而且味道突出，紫薯味有泥狀，口感軟糯，咖啡味香濃，口感更濕潤。吐司同樣有好多選擇，個人喜歡雙重芝士虎皮，芝士份量比坊間嘅多，果然冇改錯名、香芋同竹炭味就偏淡，但後者多咗核桃可增添咬口、健康啲嘅推介雜糧味，甜度再底啲適合當早餐食。