武士拉麵 (已結業)

拉麵店太約有十個位，座位都幾窄，要旁邊嘅人讓一讓先坐到入去。不過大部份嘅拉麵店都係細，最享受係坐吧位可以望住師傅整野食。 第一次嚟，試下其本款。德川將軍拉麵(醬油豬骨湯底)。知道味道較濃，所以湯度選左普通，麵質麵條都係普通。拉麵料較少，得一塊厚切豚肉，木耳同紫菜。豬骨湯無預期中咁鹹，個湯幾好飲，重重豬骨香，不算太油膩。麵條都不錯。豚肉雖然得一塊，但真係好厚切。可惜對女仔哩講，塊肉肥瘦比係3：1，過肥。中間嘅肥肉可以接受，同瘦肉一齊食，不太油，但旁邊有d真係肥左d。 織田將軍拉麵(鹽味豬骨湯底)所有料同德川將軍拉麵一樣，但麵就選左硬嘅粗麵。麵質更有咬口，粗度大約好似意粉咁，粗麵掛汁更好，啖啖豬骨湯。湯底味道相同，只係鹹左少少，有層鹽味。另外哩碗麵嘅豚肉質素高，燒得好香，而且半肥瘦，肥肉係實，所以食落一d都唔油膩，好香口。哩碗不但豚肉靚，而且木耳同麵都多d。估唔到同一時間order兩碗麵，質素可以相差甚遠。不過哩到服務真係不錯，主動加茶幾次，仲會問你意見，有幾多間餐廳會做得到呢！