博多拉麵別天神 (已結業)

去尖沙咀行下，先經過尖東，揀咗呢間別天神食拉麵，見呢度似日本嘅拉麵館所以入去試吓，餐牌比較簡單，得兩款口味，同朋友一望完就揀到，就係一人一款，連小食都係只有兩款，最啱我呢啲有選擇困難症嘅人。枱上放咗好多款調味料，有七味粉，辣芽菜，芝麻，符合各人口味。小食係芥辣味小龍蝦蟹籽沙律$35，配了好多塊紫菜，可每啖都包紫菜食。見到拉麵師傅將材料放碗，Open kitchen,好放心蝦味噌豚骨湯麵$85，濃濃既豬骨湯，仲有兩大匙咁多既蝦，帶出蝦的鮮味，還有溫泉蛋同豚肉片，唔會韌。豚肉拉麵，超濃湯底，豬味較濃，加了配材木耳，栗米，溫泉蛋，份量大碗呀。小食還有餃子$35，蘸了酸酸餃子汁，冇咁肥膩感，另外餐廳也有自助倒既麥茶，也可消吓滯。埋單每人約$110 。