生記鮮魚湯米線 (已結業)

生記的粥麵我成日食，但係生記魚湯米線就未試過，一於試下。一碗大豬腩肉魚湯米線($26)，一碗大酒香雞肉魚湯米線($26)，細碗的賣$20。魚湯魚味夠濃，愛魚湯的一定鍾意。米線就偏腍，如果彈牙就合我脾胃。配菜有少量黑木耳及椰菜。特別一提係個滷水豬腩肉，半肥瘦，滷水味濃及偏甜，好好味！個雞肉有酒香，但係味道就麻麻！再來的誘因會係個豬腩肉！