影片
更多
2016-03-10
2506 浏览
10日內去左四間火鍋店打邊爐，一定要寫下食評記錄下每家的特色。5點零5分上到來，已經有10幾人等緊，等左大概10分鐘就可以入座，被安排坐係角落窗邊卡位，bb車有位放，bb好合作地係bb車度訓左個半鐘。早段時間人唔多，幸運地仲係頭30位，可以以優惠價$128享用火鍋放題。前身係重慶姑爺時來過，裝修，檯櫈，個煲都應係保留舊有的，點左菜膽豬肺湯底、用雞煲個煲上，兩個人食、感覺個煲太大，好多湯，好耐先滾起。期間拿左點刺身小食，三文魚魚味極淡、甜蝦ok、其他刺身有點乾，師傅頭個半鐘成日唔係檔口，只係攞左兩次刺身。炆冬菇好大隻、雞腳入面有當歸，杞子。炸魷魚鬚冇用燈照住的關係，拿返來即刻食都係凍的、豬軟骨個味唔錯但硬到咬唔開、咖哩魚蛋彈牙、燒賣就好粉。調味，丸，腸，菜，麵、飲品放出面自己拿。手切肥牛厚身好滑，其中一次比錯左豬潤。平時打邊爐牛栢葉食得多，呢度有金錢肚，好快稔。花膠唔似至X咁大件煲極唔稔，亦唔會似樓上兩間咁碎、蜆就非常多沙、好多唔開、蝦新鮮彈牙、紙上寫一份三隻，每次點三份，除左一次真係來九隻，其餘都係來四隻、牛舌個人認為都係比適合燒烤、鮮淮山，其他火鍋店唔覺有，平時自己都係買乾的，因為新
5點零5分上到來，已經有10幾人等緊，等左大概10分鐘就可以入座，被安排坐係角落窗邊卡位，bb車有位放，bb好合作地係bb車度訓左個半鐘。早段時間人唔多，幸運地仲係頭30位，可以以優惠價$128享用火鍋放題。前身係重慶姑爺時來過，裝修，檯櫈，個煲都應係保留舊有的，點左菜膽豬肺湯底、用雞煲個煲上，兩個人食、感覺個煲太大，好多湯，好耐先滾起。期間拿左點刺身小食，三文魚魚味極淡、甜蝦ok、其他刺身有點乾，師傅頭個半鐘成日唔係檔口，只係攞左兩次刺身。炆冬菇好大隻、雞腳入面有當歸，杞子。炸魷魚鬚冇用燈照住的關係，拿返來即刻食都係凍的、豬軟骨個味唔錯但硬到咬唔開、咖哩魚蛋彈牙、燒賣就好粉。調味，丸，腸，菜，麵、飲品放出面自己拿。手切肥牛厚身好滑，其中一次比錯左豬潤。平時打邊爐牛栢葉食得多，呢度有金錢肚，好快稔。花膠唔似至X咁大件煲極唔稔，亦唔會似樓上兩間咁碎、蜆就非常多沙、好多唔開、蝦新鮮彈牙、紙上寫一份三隻，每次點三份，除左一次真係來九隻，其餘都係來四隻、牛舌個人認為都係比適合燒烤、鮮淮山，其他火鍋店唔覺有，平時自己都係買乾的，因為新鮮的刨完皮後好滑生生，痴立立。坐左一個鐘都唔夠10枱客，基本上每一隻吉碟放低唔夠半分鐘就有人收走。湯底都有五六舊豬肺同幾條菜膽，但真係好淡，加完湯後更加淡，於是拿左碗雞腳湯加入湯底，加上花膠，鮮淮山，頓時覺得好滋潤。
甜品方面，軟雪糕機當日冇開，但就有棉花糖機、可以自己捲，但如果有紙筒取代筷子來捲會不會更好。甜品有兩位師傅即場整，試左好多款迷你甜品，見到之前食評有綠茶心太軟，但當日只有朱古力心太軟，師傅比個麻雀籌碼7分鐘返去拿，芝士tart可能仲係試驗階段，尚要努力、芝士蛋糕唔夠香滑、牛奶布甸好吃過雙皮奶、bb都食左兩個。
底線：優惠時間會再來，正價時段有更好的選擇
94 浏览
0 赞好
0 留言
张贴
