其實我想學九陽神功多啲架
自選臘腸田雞滑雞煲仔飯$78 - 煲仔飯真係好食，估唔到佢比既豬油同豉油都係熱既，好有heart
，仲要係自家製豬油，臘腸都唔係啲cheap貨幾好食，不過田雞有點過熟所以太淋，滑雞都正常，飯焦岩岩好，唔係太痴，只有好小部分係比較難刮，個煲仔飯絕對好食過小弟之前係廟街食過好出名排晒長龍個間，不過份量唔算多，一煲大概有三碗飯，男仔食一煲應該差不多。
油鹽水煮花甲$7x - 一路食一路數大概有廿幾隻
味道岩岩好，唔會太咸，合格有餘，但無咩特別。
蒜蓉燒扇貝時價$78 - 新鮮好食大大隻，燒得岩岩好，不過偏貴。
蒜蓉燒茄子$48 - 好大隻，燒得幾好食，下次試下轉馬拉盞
燒牛舌 - 唔係好淋個種而係有咬口又唔會太un ，有少少牛味，都唔錯。
燒雞翼$22 - 普通，唔值。
總結：值得推介既煲仔飯，但座位唔多，記得訂位，星期六晚六點半就滿座了。
