影片
更多
2013-06-20
195 浏览
胜博殿 2013-02-24 ….. 一篇过晒期既食评。 渣打马拉松话咁快就已经过左几个月，谂番都好似唔系好耐之前既事﹗第1次在香港跑全马，心情兴奋。结果当日天气清凉唔太晒，成就了我的PB (sub-4真的是超额完成﹗超开心)。不过，除左多谢天公做美，我亦应该鸣谢胜博殿。点解﹖就因为佢碗饭。其实比赛前朋友已经问我比赛后想食咩。清晨6点40分出发，预计要跑4小时20分，即11点左右可以完成赛事。11点既铜锣湾选择其实唔系太多，而我又好唔想饮茶。之前为减重食少左饭，谂起一个地方食到好味既日本米 (又可拣麦饭)，仲可以任添饭既好地方，就系胜博殿喇。讲真，跑到一半头脑空洞元神出窍时，我都系同自己讲，我要食饭﹗我要添饭﹗就系咁，呢碗饭不断支持住我，成42.195公里，仲比预期时间快左超过廿五分钟，系咪要多谢佢呢。期待总是美好既，咁究竟，系唔系咁好食呢﹖梳洗完慢慢行到餐厅，都未到12点。结果要等一阵。太早喇，人唔多，除左我地只有一个日本家庭。够钟喇，入得去喇﹗餐厅0系地库，行0个几级楼梯真系唔野少﹗内部装修清雅，以浅木色为主。丼吉the one 店厢房会有布帘私稳度较高﹔胜博殿既虽然都系一隔隔既卡
渣打马拉松话咁快就已经过左几个月，谂番都好似唔系好耐之前既事﹗第1次在香港跑全马，心情兴奋。结果当日天气清凉唔太晒，成就了我的PB (sub-4真的是超额完成﹗超开心)。不过，除左多谢天公做美，我亦应该鸣谢胜博殿。点解﹖就因为佢碗饭。
其实比赛前朋友已经问我比赛后想食咩。清晨6点40分出发，预计要跑4小时20分，即11点左右可以完成赛事。11点既铜锣湾选择其实唔系太多，而我又好唔想饮茶。之前为减重食少左饭，谂起一个地方食到好味既日本米 (又可拣麦饭)，仲可以任添饭既好地方，就系胜博殿喇。讲真，跑到一半头脑空洞元神出窍时，我都系同自己讲，我要食饭﹗我要添饭﹗就系咁，呢碗饭不断支持住我，成42.195公里，仲比预期时间快左超过廿五分钟，系咪要多谢佢呢。
期待总是美好既，咁究竟，系唔系咁好食呢﹖
梳洗完慢慢行到餐厅，都未到12点。结果要等一阵。太早喇，人唔多，除左我地只有一个日本家庭。够钟喇，入得去喇﹗餐厅0系地库，行0个几级楼梯真系唔野少﹗内部装修清雅，以浅木色为主。丼吉the one 店厢房会有布帘私稳度较高﹔胜博殿既虽然都系一隔隔既卡位但唔上到顶，所以感觉上较casual，但就好适合一家大细或三数知己。当日午饭时间，确实系一家大细既多，而且仲要超过七成都系年轻日籍夫妇带住小孩，气氛温馨热闹，感觉唔错﹗
坐低即刻见到吉猪店既标准配件 — 食椰菜丝沙律既麻酱同柚子汁，另外有浓浓既猪扒汁，仲有七味粉 (应该冇乜人用﹖)。沙律酱个樽口设计特别，唔会倒到周围都系。枱面非常干净整齐，唔知去到最后一轮食客又会唔会仲系咁干净呢﹖因为等左一阵，开始识肚饿了。我地一人拣左个定食，都想试下唔同既野。
落单之后好快已送上椰菜丝沙律同渍物 (有青瓜同酱瓜)。勤快既店员为我地介绍酱汁，仲提我地渍物同沙律都系可以添既。好野﹗开动﹗渍物够冻，青瓜同酱瓜都好爽脆，而且唔会太咸，对我黎讲真系好好既餐前小食。椰菜丝沙律切得幼细，当然系新鲜而且唔会水冷冷。不过，菜就唔算好甜。但加上香口既麻酱同酸甜开胃既柚子汁，一样非常滋味﹗
主角出场喇﹗我地叫左一个黑豚猪柳定食，另一个系炸猪柳卷拼盘，每个餐都有面豉汤同燕麦饭。另外有一小碗黑白芝麻。即刻趁热饮汤先。汤既味噌几香，唔会死咸。合格。但0系大阪马拉松之后食0个间吉猪，个汤揾细粒蚬仔做，味噌香、猪肉香中带点鲜甜(仲可以任添架)，呢个汤味道就略为单一。饮完汤，么打手磨芝麻先﹗黑芝麻加白芝麻，一磨就闻到芝麻香，加埋浓浓既猪扒汁，好香呀。食一口黑豚猪柳，粗粒油炸面包糠既脆浆脆但唔硬，看似粗线条但松化非常。脆浆贴服咁包住猪肉，保留到肉汁，而且有猪肉香味，好味。 记得之前一次去丼吉，猪柳炸得香脆但肉好干，而且边位系整条脂肪，相信系肉既选材唔太好，令人失望。虽然两店既炸浆唔同，但胜博殿今次既出品就够热、够脆，松化唔油、有肉汁又唔肥，有水准﹗一口猪柳，一口香黏又有咬劲既麦饭，大满足﹗
再黎既系猪柳卷拼盘，六件猪柳卷分别系包住露笋、紫苏乌梅、芝士。紫苏乌梅系少食既口味﹕紫苏香味唔太突出，乌梅味道稍稍带酸，醒胃消腻，唔错既组合。露笋则爽甜，其实味道唔太夹吉猪，可能店方可以试粟米或蘑菇﹖而最浓味既要算系芝士猪柳卷﹕芝士半溶，确系惹味。不过就好易会腻… 就好似平时我地会食火腿芝士飞碟，或者火腿炸包，但唔会有火腿芝士炸包，就系因为会好腻。猪柳卷既特色在于系吉猪中加多点新意，但因为夹左其他野，猪味反而被抢，所以都唔会用好上等既猪肉。我其实钟意传统既多0的，可以食到猪肉香嘛。
曾经听过人讲跑马拉松前做carbo-loading 食左八碗饭﹗我呢﹖最后我只系添多大半碗饭，已经好饱。跑马拉松，something simple but difficult。无受伤咁完成一个全马，做到自己满意既成绩，食左餐好味既午饭，开心满足得不得了。快乐，原来可以唔使太复杂。
题外话/补充资料：
其实，店方可考虑同渣马合作推比赛日特别套餐呀，唔使跑友次次食点心嘛﹗
(以上食记乃用户个人意见 , 并不代表OpenRice之观点。)
张贴
