壹號冰室 (富洲大廈) (已結業)

壹號冰室嘅午餐選擇都唔少: 有中式午餐ABC、幾款常餐同魚湯米線。今日我就挑戰咗邪惡嘅豬扒公仔麵先！👆🏼常餐: 香茅豬扒湯即食麵🐷🍜配午餐肉炒蛋🍳牛油多士🍞好神奇🤔，湯底係出前一丁嘅麻油味，但個麵餅食落就唔似出前一丁。不過都好味嘅，唔會煮得太稔，湯底又夠香。豬扒煎得好脆口，香茅味亦啱啱好唔會太重手。最貼心嘅係冰室可以幫你安排碎上豬扒🐷✂️，女仔食都可以保持儀態萬千💃🏻，唔駛成塊夾起咬，無從入手🥴。炒蛋生熟度適中，滑得嚟唔會好鼻涕。不過午餐肉就只係切咗粒同蛋一齊炒，如果有預先煎過應該會香口好多。牛油多士就正常，冇乜驚喜。而家大家都趨向追求健康飲食，如果可以改配麥包就更好呢！