榮式燒雞扒 (已搬遷) 新店位置

成日見榮記個招牌，又成日聽人講好食，但始終未去試，今次因爲有朋友係澳門過黎食餐飯，就揀呢間試下，都排左成30分鐘有多，點知，排到冇哂人排，最後一枱先比我地，好明顯係漏左我地。餐牌榮式雞扒併豬頸肉撈丁 $56本身點榮式雞扒併豆腐，但豆腐賣哂，連飯都煲唔切同樣賣哂😱，於是店員話不如併豬頸肉同要撈丁，餐廳上冇呢個款式，唔知幾錢，點知收左原來咁鬼貴！呢塊燒雞扒確係入哂味，皮微焦脆，肉質非常嫩滑吃不岀雪藏味，油份適中，但豬頸肉就冇乜特別，下次再黎會只點雞扒