星洲總廚 (大全街)

营业中

休息中

六點鬆啲喺大角咀搵嘢食，間間都唔使等位，咁就梗係揀間平時超多人排隊冇機會食㗎啦。我揀咗星洲總廚，叫咗個招牌厚切 8 安士咖哩豬扒飯，有兩隻咖哩可以揀，問阿姐意見，最後揀咗冇咁辣嘅小印度咖哩。食物上枱，見到飯嘅份量超多，嚇咗一跳。將咖哩汁撈落白飯，試一口，汁底雖然較稀，但係咖哩味仍然香濃，唔錯。至於塊豬扒就超級無敵，又大又厚又 juicy，仲有好正嘅香茅味，堅好食🤤。加埋杯最邪惡嘅美祿恐龍，真係飽到上心口😇。