佢哋嘅招牌豬扒厚切得黎又唔韌，醃得好入味！佢哋有非常多唔同嘅豬扒菜式，我自己最鍾意嘅三款分別就有厚豬扒配魔鬼醬脆豬包🍞、焗意式厚豬扒飯🍅、DOUBLE 厚豬扒飯🐷，尤其係佢哋嘅豬扒包，配埋佢哋秘製嘅魔鬼醬，澳門嗰啲豬扒包真係要行埋一邊🙈
除咗佢哋嘅豬扒出名之外，佢哋其他嘅嘢食都一樣好唔錯，好似焗白汁海鮮飯咁，海鮮份量好多，配埋滿滿嘅芝士同埋白汁真係超邪惡勁好味！另外，咖喱牛肉飯🍛 同埋 鐵板金菇肥牛炒手打烏冬🐮 亦都一樣係勁有鑊氣又惹味嘅選擇！
如果大家係下午茶時間嚟嘅話，我就最推薦奶油脆豬🍞、吉列脆魚柳配沙律🐟、沙嗲牛肉米粉🐂，尤其是係奶油脆豬，係我人生見過最大個最抵食嘅！麵包非常脆口，煉奶同埋牛油嘅份量亦都非常足夠，每一啖都係滿足！
