The Salted Pig (D2 Place) (已結業)

今天係附近做運動，好耐冇食豬手所以專登黎試吓呢間餐廳。餐廳夠大，好夠空間感，環境乾淨，坐落好舒服。而且牆上仲有啲關於豬豬既設計，睇得出好有心機。太平洋蟹餅🦀配青檸蒜香蛋黃醬～呢個蟹餅外表金黃，炸得好靚好脆，食落有一絲絲蟹肉，配青檸蒜香蛋黃醬，都幾清新🤟🏼新豬肉肉醬意粉(素)🍝食落同普通豬肉碎冇咩分別，都幾好味，配茄汁意粉，絕配😚招牌德國鹹豬手、烤薯、酸菜、芥末籽忌廉汁🐷🍖食過好多餐廳嘅德國鹹豬手，呢間鹹豬手真係好大份，肥瘦均稱，又滑又嫩，一啲都唔會鞋，食到唔停口，真係好高汁🤤擺得好靚，好有美感，廚師都好窩心，切得整整齊齊，方便進食👍🏻熱情果蘋果特飲、桃、士多啤梨🍎🍑🍓呢杯特飲嘅味道好豐富，幾種生果混合一齊比想像中夾，甜甜酸酸咁好開胃😆薄荷提子梳打、菠蘿汁、熱情果🍇🍍呢杯飲落好清新，好舒服，菠蘿味好香，加上薄荷好fresh💕💕蘋果西打配雲呢拿雪糕🍦呢個甜品好特別，雲呢拿雪糕感覺係自家製，又香又滑。有好多蘋果粒伴碟，另外仲有其他果仁碎，好健康🍎