名館 (已結業)

都有一段時間冇去銅鑼灣了，今次咁岩有事去希慎，就上去搵埋食啦，去左呢間十四樓嘅名館。食下中菜都幾好，其實見佢寫係江湖菜，我吾太識分，不過入面幾岩我食，食物選擇都好多。嗌了脆皮咸豬手配薯條，超好食丫，豬手皮好脆，味道惹味，吾會太咸，而豬手嘅肉好嫩滑，粉紅色嘅，好食，熱辣辣，脆卜卜，另外薯條都好食過人，佢加了味粉？橙花色薯味又夠，同樣好香脆肉嫩，好食，百幾蚊超值，今餐最推介嘅。另點了兩個竹筒飯，瑤柱冬菇肉鬆蒸飯，同臘腸滑雞蒸飯，佢係加了紅米，更加健康，原本看似好細碟，其實份量都好多，都好飽，味道好岩我，飯軟身又香，食完豬手食岩岩好。再點了碟菜，嗌左金銀蒜蒸勝瓜金菇，好香蒜，加上了勝瓜上面，勝瓜好好食，入晒味，而勝瓜下面就有金菇，貪心地諗如果金菇份量多點就好，哈哈，送飯一流。仲點了蝦餃點心，即嗌即整，見到師傅係玻璃窗內整點心，即蒸再上碟，熱辣辣，已經夠好食，再一咬蝦好大假，好彈牙，100分丫，有四粒好味道。滿足嘅一餐。