燒肉臻 (已結業)

食飽係為咗更努力減肥星期一，心情特別差，我在今晚約咗人食好嘢！天氣熱，我哋一坐低先嗌咗杯蜂蜜檸檬菊花蜜，夠晒消暑～先食一個酒盜薯仔沙律，哈哈，應該即刻飲杯酒；鹹香十足，好開胃！之後就食咗呢度最正嘅牛肉盛合，用層架上台，視覺效果好好，影相都好正！每款牛肉嘅口感都唔一樣，我哋偏愛脂肪重嘅和牛牛小排，真係好好味朋友鍾意食海鮮，我哋要咗聖子、帆立貝、燒鰻魚同埋甲羅燒。帆立貝加咗香草牛油去燒，絕對係一個好味嘅配搭！！！聖子就加咗啲香蔥，令到鮮味更加突出！燒鰻魚好食，鰻魚非常厚身，口感一流！甲羅燒味道濃郁，大啖大啖將啲蟹膏放入口嘅感覺真係好滿足～呢度環境幾好坐得舒服，適合同朋友嚟慢慢食飯