蝦川海鮮燒肉放題 (已結業)

終於又一年，終於到大閘蟹既季節本人唔係好鍾意食蟹，但唯獨大閘蟹係我既最愛，咁多年黎見到d大閘蟹放題都係得過睇字，因為太貴同太遠了，今年終於唔使得過睇，近近地元朗就有，又因為試業價$288一位免加一，早一星期訂位要waiting list，到當日先打返黎話有位，有驚無險，終於有得食食2030果輪，一入到去就衝入去拎野飲同野食，大閘蟹係坐係到等派既，而有咩野食呢，有元貝，蠔，大眼雞，其他野食都係普通野，雞腎丫腸仔丫午餐肉多春魚果d啦。 飲品有老細自己煲既薑茶，解茶，康師傅飲品同七喜 OJ果D。 每10零20分鐘就會派一次大閘蟹，有時會比多隻你地枱既其中一人。 2個鐘total會派5次定6次我都唔係好記得，最後一轉係2215開始派，不過因為已經有好多人飽左會唔要，老闆會派多幾隻比繼續努力中既客人，我地一家4個人，就係努力到最後既小伙伴，最後哥哥同爸爸每人食左8隻，我就7隻，媽咪食6隻，食到個個都好滿足😋😋 而且又有我最鐘意飲既解茶同老闆煲既薑茶。 講真，煲薑茶真心值得一讚，平時爸爸同哥哥都唔係咁鐘意食/飲d薑味太重既野，呢煲薑茶佢地係會飲，而且係好重薑味既情況下飲既。 全部客人將成煲茶飲晒