妹仔記燕窩甜品專門店 (已結業)

呢間「妹仔記」自稱係燕窩甜品專門店，我入到去反為無食燕窩甜品，只係叫o左燕窩蛋撻($8 個)，另外叫o左芝麻糊湯丸、蕃薯糖水。芝麻糊湯丸就麻麻地，湯丸D 皮太過腍；蕃薯糖水D 蕃薯就好多，味道ok；燕窩撻亦唔覺得有啥特別，要好細心咁嗒，先感覺到蛋撻裏面有D 一粒粒、爽爽地o既o野，就係傳說中o既燕窩！如果你狼吞虎燕咁食個撻，就同麵包舖兩蚊個果D 無分別，仲可以一次食4 個！不過間野o既裝潢又真係好正，連廁所都裝修得美輪美奐，值得一讚！