大喜屋

营业中

休息中

👉🏻晚市放題（星期一至四，五點入座，七點前離座）$258/位刺身種類繁多， 除左有常見嘅三文魚， 北極貝仲有原條加拿大雪蟹腳，巨size甜蝦， 帶子。 所有食材都非常新鮮， 有海鮮應有嘅甜味， 冇雪咗好耐嘅冷藏味。 另外仲有串燒。我哋叫咗烤牛舌， 烤羊架。火候足夠， 仲有淡淡嘅煙燻味。 羊架好入味， 好嫩，個人十分推薦！其他烤物仲有好肥美嘅生蠔同燒鯖魚。 當然少不了飲品，無論你鍾意飲返兩杯定係鍾意包裝飲品， 大喜屋都可以滿足到你。餐廳嘅熱清酒有兩款亦有凍梅酒和凍清酒可選。 仲有珍珠奶茶同埋自家製冷泡茶。甜品亦好多款式，仲好精緻， 推薦點北海道牛奶布丁， 燉牛奶和烤榴槤。 除了烤榴槤還有榴槤泡芙，榴槤大福， 榴槤控一定不能錯過！