和幸吧 (已結業)

對上一次朋友帶我來食和幸，都已經大半年前，今次輪到我帶幾個同事來豪番次。仲乜咁豪﹖因為同我公司位索女郎同事farewell，留個好印象俾大家嘛^^諗都唔諗，坐低即點左兩個和牛Set，呢個我都未食過，之前我食個Set係有豬有雞。呢個Set有牛幾個唔同部位，同埋係可以食到個分別。最正始終係西冷位，牛香好出，好滑好軟食，胸腹肉相比啖啖肉多D，牛肋骨就再瘦D，Anyway點少少醬汁，撈埋白飯食，越簡單越好味，真係大滿足!!!我地另外有加料，每人一隻大蝦。蝦係雪藏貨，開晒背塞左D蔥蒜入去，燒起來都幾香下。食落OK冇雪味，係啖啖肉好飽下，不過肉就實左D。齋叫蝦唔夠豪HAHAHAHAHA，仲試左個時令野，係清酒燒大蜆。部長話唔係晚晚返貨，聽住先喇。食落，新鮮野係唔同D，我自己就覺得好食過平時燒帶子，如果酒味再勁D就仲好，呢個值得再試。題外話，其中有個女同事話睇住隻蜆咁燒好唔人道。我反問佢見過燒生鮑魚未，典典下仲唔人道，殺豬殺牛都唔人道架…………咁你食長齋LAW。