陸陸雞煲火鍋 (已結業)

雞煲hit 左好耐，但從來未曾試過，剛巧有朋友推介這家店，既有至愛的海鮮，又有雞煲，今晚一於同foodie朋友試試。我們比較懶，不用想便點左陸陸海鮮套餐 。這個套餐特價$268， 包羅萬有，一次過可以食囇雞煲同海鮮。陸陸雞煲 由於食唔到辣，這個雞煲我們選了微辣。雞煲即點即做，傳來陣陣香味。雞煲材料有雞件、洋蔥、大蔥、青椒等，味道濃郁，帶少少麻香。而雞件是連骨部位，質地嫩滑，雖然雞肉唔多，但勝在麻香惹味。海鮮火鍋拼盤 + 龍蝦湯嘩！個龍蝦煲真材實料，有成隻龍蝦在內，而且仲有粟米同蕃茄，難怪湯底鮮甜！龍蝦大大隻，啖啖肉，肉質爽彈，仲有唔少蝦膏在內，正呀！海鮮拼盤材料十分豐富，有鮑魚、貴妃蚌、大蜆、花甲、帶子、鮮蝦和生蠔，份量十足，而且樣樣都好新鮮！鮮蝦爽口彈牙；帶子大大粒，嫩口鮮甜；大蜆有海水的味道，完全無砂；鮑魚有成四隻，十分新鮮，口感爽嫩，實在不錯！除左雞煲同海鮮龍蝦窩以外，仲有頂級牛肩胛, 海鮮拼盤，自家炸響鈴, 炸魚皮,手打蝦丸, 墨丸, 魚皮餃, 雲吞, 水餃, 白菜豬肉餃, 韓式泡菜餃,魚片頭, 蟹柳棒, 午餐肉同鮮菜籃，實在太豐富，太滿足！頂級牛肩份量唔少，雪花紋十足，賣相吸