GREEN

我同好友去咗酒店豪叹一个四道菜滋味蟹宴。话明系蟹宴, 当然款款菜式都会包含蟹肉既成份。蟹肉好鲜甜, 所以我地每次都好期待每一道菜式既来临。呢度既环境同气氛都好好, 店员既服务态度超好, 值得一赞, 而且佢地既效率都好高. 随时随地为我地服务。首先, 店员会呈上面包, 可以选择意式香草面包或者竹炭芝士面包。我两款味道都有试, 香草面包既香草味好香 , 竹炭芝士面包入面有软糯既芝士, 面包好松软。蟹肉饼外层炸得好脆, 里面既蟹肉碎份量好多, 蟹肉好鲜甜, 旁边既芒果蟹肉沙律都好正, 芒果好够甜! 蟹肉饼亦可以沾一些芥末酱, 令味道更加丰富。帝王蟹肉既蟹肉厚身、肥美兼鲜甜, 带点蒜蓉同牛油香, 每一只蟹脚都好厚肉, 啖啖肉, 好正~香煎三文鱼柳上布满微脆既蟹肉碎, 三文鱼柳肉质好嫩滑, 底下有少量瓜类同薯仔作伴碟。最后既甜品系朱古力火锅, 呢个甜品会有士多啤梨同棉花糖, 旁边仲有Lindt朱古力酱。小火炉主要系用黎烧棉花糖, 将棉花糖烧至微焦, 入面达半融状态, 佢既质感会变得外微脆内软, 棉花糖咬落仲会有拉丝效果。将甜甜既士多啤梨放入朱古力锅入面, 沾一啲朱古力酱, 然后放入口食, 好味