影片
更多
2021-05-13
3601 浏览
母親節一位難求，唯有等到禮拜中先黎慶祝，揀左黎牛舞食，佢新開張已經想試㗎啦。點左A餐日本薩摩和牛放題，個餐包埋涮涮鍋，同店內提供嘅食品飲品任飲任食。呢度一過左五點半就要排隊等位，所以黎食早鳥時段，一黎平少少，二黎唔使等呀。平日晚早鳥時段$538/位，老實講都幾貴，但買塊和牛扒都唔平，而加任食喎，係咪算叫做物有所值先，仲要係燒肉，唔使搞到屋企一頭煙先啦。坐左最內邊的卡座，都幾濶落。枱面用具乾淨無黐立立，個燒爐同火鍋爐火力夠，好快就熟。另外店內用Qr code落單，方便又有相睇，介面仲好易用添。枱上已提供調味品，有燒肉汁，柚子醋同胡椒鹽，如果嫌唔夠，出面自助區仲有蒜蓉，辣椒，蔥，豉油等。飲品方面有汽水機，咖啡機，茶包茶，罐裝果汁等，另外和牛亦包左清酒，啤酒，紅白酒等任飲，燒肉配啤酒真係一流㗎。送的牛舞併盤，有幾款肉嚐嚐，全部都好新鮮。燒啦燒啦～已經聞到肉香，個爐好夠火勁快熟，仲無黐底添。最好食真係日本和牛，入口啖啖油脂勁甘香，完全無渣，個人覺得原味最好，勁正根本唔使點調味料。除左燒肉，仲有刺身，天婦羅，烏冬，窩飯等食物叫，刺身都幾新鮮，厚切。天婦羅同樣即叫即炸，入口熱辣辣㗎。送的涮涮鍋就要
點左A餐日本薩摩和牛放題，個餐包埋涮涮鍋，同店內提供嘅食品飲品任飲任食。呢度一過左五點半就要排隊等位，所以黎食早鳥時段，一黎平少少，二黎唔使等呀。
平日晚早鳥時段$538/位，老實講都幾貴，但買塊和牛扒都唔平，而加任食喎，係咪算叫做物有所值先，仲要係燒肉，唔使搞到屋企一頭煙先啦。
坐左最內邊的卡座，都幾濶落。枱面用具乾淨無黐立立，個燒爐同火鍋爐火力夠，好快就熟。另外店內用Qr code落單，方便又有相睇，介面仲好易用添。
枱上已提供調味品，有燒肉汁，柚子醋同胡椒鹽，如果嫌唔夠，出面自助區仲有蒜蓉，辣椒，蔥，豉油等。飲品方面有汽水機，咖啡機，茶包茶，罐裝果汁等，另外和牛亦包左清酒，啤酒，紅白酒等任飲，燒肉配啤酒真係一流㗎。
送的牛舞併盤，有幾款肉嚐嚐，全部都好新鮮。
燒啦燒啦～已經聞到肉香，個爐好夠火勁快熟，仲無黐底添。
最好食真係日本和牛，入口啖啖油脂勁甘香，完全無渣，個人覺得原味最好，勁正根本唔使點調味料。
除左燒肉，仲有刺身，天婦羅，烏冬，窩飯等食物叫，刺身都幾新鮮，厚切。天婦羅同樣即叫即炸，入口熱辣辣㗎。
送的涮涮鍋就要左昆布鰹魚湯底，附上各類蔬菜，淨食肉太漏，食返啲蔬菜平衡下啦，出面自助區有得攞。
火鍋用的薩摩和牛片，同樣勁正，就算淥耐左都唔會鞋口，入口即化呀。
除左牛肉，豬肉同雞肉，仲有海鮮燒㗎，有扇貝，蜆，魚柳等，當中最正係係甲羅燒，蟹糕勁鮮甜，超好味呀！
食左好多肉最後就食啲水果濕下口，燒菠蘿好正，但要小心燒，放耐左就好易燶，哈哈。另外仲有盒仔水果，西瓜勁甜喎。
甜品仲有和菓子，黑糖同波子汽水味都好正。
最後仲有好多唔同口味嘅雪條食，朱古力脆皮好濃朱味，綠茶煉乳都好正，仲有荔枝海鹽，藍莓乳酸等，但太飽真係試唔晒咁多款了。好好味好好味好好味呀～食左好多超飽，值得讚係無漏單，上菜快，同埋抽風做得好好，食完都無一身燒肉味，真係好好味，唔怪得咁多人排隊啦。
张贴
