蟹慶 (已結業)

食日本野我地多數都係魚生壽司，今次豪少少，搵間食蟹專門店。好，坐低睇吓有咩好食先。蟹肉沙律，絲絲蟹肉配上新鮮蔬菜做頭盤。松葉蟹刺身，蟹腳晶凝通透，好鮮甜，食落好有肉地。雖然主力係食蟹，都有魚生的，帆立貝，赤蝦，深海池魚，金目鯛，都係時令。日本生蠔，爽甜得黎帶輕微海水味，肥美大大隻，一啖食，幸福滿滿。海膽蟹肉活帆立貝豐盛燒，上面先黎海膽，下面係燒香左帆立貝，逐層食，慢慢品嚐。和御牛柳粒，個和牛唔錯，有牛味又夠腍。活蟹煮雜坎，食完生冷野，最後食番個蟹粥暖暖身，裡面蛋花蟹肉，好清甜一個粥，但因為用原隻蟹去熬，個粥有蟹殼，真係要小心食。飯品叫左，蟹慶之夜，係用茴香酒、七喜去處理，感覺係花椒八角味，after taste係汽水嘅甜，好多層次。自家釀製果酒，揀咗菠蘿味，係用八千代嘅酒，甘香清純。甜品係紅豆抹茶布甸、蕨餅，即蟹仔好搞笑。