豚王 (已結業)

可能系之前懶煮飯又懶得回吖媽度食飯，所以就成日食麵，搞到我依家對麵之類的東西都麻麻地鍾意。我們點左豚王同翠王仲有唔可以錯過嘅糖心蛋，我點嘅豚王，剛端上台，就聞到一股濃濃嘅豬骨湯味，濃到我真係以為系我媽煲嘅老火靚湯咁，味道認真好正，食麵前先飲啖湯一直都係我嘅習慣，一飲落去就覺得這麵值得食了，為左啖湯都抵喇。拉麵又好Q彈，好有嚼頭，搞到我突然就好有胃口。仲有就係，我覺得呢度嘅糖心蛋一定一定要食吖，呢個蛋蛋人地靠嘅真係內在美啊，口感好好，反正我好鐘意，不過只食全熟蛋嘅朋友就某試喇，哈哈、下次再來試下先得