炑八韓烤 (荃新天地2)

营业中

休息中

近日天氣轉涼, 在荃灣吃了一頓豐富嘅韓式燒烤, 餐廳地方好闊落, 座位舒適。牛胸腹肉配韓式飯饗宴擺盤夠大堆頭, 包括牛肉、豬肉和雞肉, 還有巨型八爪魚。蔥蒜牛五花牛味濃郁, 煙韌有嚼勁。牛胸腹肉肥瘦相間, 油香嫩滑。秘製醬油豬五花肉質幼滑, 油脂豐富。梨汁雞腿肉肉質嫩滑, 甜味焦香。八爪魚以醬汁醃浸, 肉質煙韌, 軟滑彈牙。還包括任意添加嘅前菜, 幼滑嘅薯仔球、甜甜蘿蔔片、泡菜、海帶和大豆芽等。此外, 還可無限添加爐邊嘅滑蛋及芝士粟米。韓式麻藥蛋飯麻藥蛋是溏心蛋, 濕潤滑溜, 白飯加上海苔香氣, 口感豐富。辣章魚五花肉飯五花肉好肥美, 辣章魚夠惹味。配以大大杯冰凍嘅柚子檸檬梳打和朝日紅桑莓有氣果酒, 份外怡神。