影片
更多
2021-08-09
121 浏览
香港人一向熱愛點心，由蝦餃、燒賣，以至叉燒包都係大家的心頭好。就好似我身邊的為食鬼，幾乎每星期都要歎過一盅兩件至滿足。最近又畀佢喺長沙灣搵到間「一盅點心」，餐廳門面非常養眼，以天藍色為主調。至於店內環境亦不俗， 牆身位置放有花卉擺設，裝潢簡約清雅。餐牌上嘅點心，花款都幾多，有港式蒸點、香脆煎炸、風味腸粉、荷葉蒸飯、老火粥品、滋補靚湯、田園時蔬、心動甜品，另外亦有多款全日套餐等供應，而於茶錢就每位 $4。王牌點心二人套餐 ($128)：套餐非常豐富，包咗 8 款點心，分別為懷舊燒賣皇、帶子燒賣、乾蒸牛肉燒賣、糯米燒賣、筍尖蝦餃皇、XO 醬菜苗餃各 2 件，黑金流沙包、爆餡叉燒包各 1 個。燒賣皇新鮮熱辣，用料十足，肉餡結實有彈性，面頭加了蟹子，口感鮮美爽脆。帶子燒賣味道亦唔錯，帶子爽彈，甜味亦非常明顯，帶子嘅鮮味完全融入燒賣內。乾蒸燒賣水準亦不俗，牛肉新鮮沒有雪味，燒賣皮薄，餡料爽口。糯米燒賣晶瑩剔透，餡料有糯米、香菇和肉末等，入口煙煙韌韌，吃時可蘸少許辣椒油。蝦餃皇皮薄餡靚，蝦肉彈牙味鮮，食完真係覺得有啲唔夠喉，好想食多幾粒。菜苗餃同樣出色，蝦肉鮮彈，菜苗幼細嫩綠，XO 醬增添鹹香。流
最近又畀佢喺長沙灣搵到間「一盅點心」，餐廳門面非常養眼，以天藍色為主調。至於店內環境亦不俗， 牆身位置放有花卉擺設，裝潢簡約清雅。
餐牌上嘅點心，花款都幾多，有港式蒸點、香脆煎炸、風味腸粉、荷葉蒸飯、老火粥品、滋補靚湯、田園時蔬、心動甜品，另外亦有多款全日套餐等供應，而於茶錢就每位 $4。
王牌點心二人套餐 ($128)：套餐非常豐富，包咗 8 款點心，分別為懷舊燒賣皇、帶子燒賣、乾蒸牛肉燒賣、糯米燒賣、筍尖蝦餃皇、XO 醬菜苗餃各 2 件，黑金流沙包、爆餡叉燒包各 1 個。
燒賣皇新鮮熱辣，用料十足，肉餡結實有彈性，面頭加了蟹子，口感鮮美爽脆。帶子燒賣味道亦唔錯，帶子爽彈，甜味亦非常明顯，帶子嘅鮮味完全融入燒賣內。
乾蒸燒賣水準亦不俗，牛肉新鮮沒有雪味，燒賣皮薄，餡料爽口。糯米燒賣晶瑩剔透，餡料有糯米、香菇和肉末等，入口煙煙韌韌，吃時可蘸少許辣椒油。
蝦餃皇皮薄餡靚，蝦肉彈牙味鮮，食完真係覺得有啲唔夠喉，好想食多幾粒。菜苗餃同樣出色，蝦肉鮮彈，菜苗幼細嫩綠，XO 醬增添鹹香。
流沙包表面圓滑，放涼了 5 分鐘才撕開，入面的奶黃餡依然流心，味道香甜。叉燒包亦做得好靚仔，包皮雪白，包身鬆軟有咬口，入面的叉燒餡調味亦剛好，鹹甜適中。
章魚肉餅飯 ($40) 塊肉餅睇頭十足，望落去好厚身，入口有彈性，帶豬肉嘅香味。面頭的章魚粒好有咬口，肉餅的香氣完全滲透晒入飯粒中，一口肉餅一口飯，真係又飽肚又滿足！
香芒凍布甸 ($23) 布甸做得好滑，而且非常足料，內有不少粒粒芒果肉，配花奶吃，消暑又怡神。
张贴
