大廚料理 (已結業)

前日有個同事lastday，所以我地收左工就諗住一齊食飯，搵到附近有間好似幾唔錯既私房菜到會，就嗌左黎試下。整體黎講呢間餐廳既食材都好新鮮，而且全部都好足料，就好似松葉蟹伊麵，真係會食得到蟹肉，而唔係得個名🤣最比到驚喜我既都係隻雞同埋條東升班，啲肉質好嫩，火喉控制岩岩好，但係同時又好入味👍🏻隻雞亦都好特別，創意分十足，賣相亦都好靚🤣雞肉一啲都唔會老，每舊雞都起曬骨，中間會夾住東菇同埋西班牙火腿，呢個煮法好特別🧐🧐整體來講呢間餐廳真係好高質，建議大家可以同一班同事或者同屋企人去食！