圓山台灣料理 (已結業)

今日約左媽媽飲茶，上次食過呢間圓山台灣料理好岩佢口味，所以突登再帶佢黎食。呢度食物都好多選擇，午市仲有粵式點心。🥢午市商務二人套餐 $288套餐好抵食，可以簡2款點心/ 涼菜、兩款小菜，仲有老火湯、肉燥飯/麵、甜品等，相當豐富。🥄老火靚湯內有大量茶村菇，非常足料，味道清甜。🥢虎皮尖椒辣香味足，好惹味。🥢脆皮大腸炸過的大腸，外皮金黃酥脆，配上辣醬更惹味。 🥢雲南野生菌素餃餃皮煙韌，內餡爽脆，素菜豐富。🥢香煎蘿蔔糕蘿蔔與粉漿比例剛好，味道恰到好處；臘味味道唔會過濃或過淡，點到即止。🥢金銀蛋浸時蔬加入大量金銀蛋，簡單又美味的浸時蔬。🥢椰香棗茸糕棗茸糕煙韌不黏牙，與椰香完美融和。🥢擔仔麵精緻小碗，肉燥味道香濃。🥄甜品綠豆沙足料，為呢個午餐劃上完美。