彤 (已結業)

今個月生日，男朋友帶我去食Omakase 慶祝，睇完戲去尖沙咀金馬倫道33號The Cameron 1樓102號舖的一間叫《彤》的餐廳食廚師發辦。前菜有菠菜水母配和風汁，汁煮姫粒貝 、靜岡縣產水果蕃茄，呢道前菜的擺盤好靚，好有日式庭園的感覺😹。波菜配清爽的水母好有口感，仲有少少冬菇，好清新。姬粒貝好鮮甜又彈牙🐚。水果蕃茄酸酸甜甜，好清爽開胃。熊海老壽司，隻蝦有2隻手指咁肥😍成隻大蝦切開一半，再包入壽司飯，蝦🦐仲多過飯，啖啖蝦肉放入口，蝦肉鮮甜又彈牙，好味😋大拖羅，大大的大拖羅覆蓋住整舊飯，超正！，廚師將新鮮的大拖羅切一小小格，塗上上醬汁，令醬汁更容易黏附在魚身，大拖羅非常新鮮，拖羅的油脂感好看。鰤魚魚生非常生鮮，肉質柔軟，放入口，魚的鮮甜味係口爆發出黎。今次餐生日飯好開心呀！食得好豐富，感謝男朋友的陪伴！