吉士咖啡店 (已結業)

我地先叫一個煙三文魚忌廉意粉，呢個意粉整得好好，啲忌廉好靚，煮落啲意粉度，啲意粉吸收晒啲忌廉汁，成個意粉都好滑好香，另外仲有啲芝士粉，奶味更加重，煙三文魚就鹹鹹地，厚薄啱啱好，同呢個忌廉意粉真係超夾！另外叫佐牛油果芝士滑蛋吐司，吐司盒子焗得好脆，面頭就放咗嫩滑嘅滑蛋，加埋熱溶咗嘅芝士，同埋一塊塊嘅牛油果，同啲麵包一齊食，軟林林嘅口感，超豐富，另外仲有啲炒咗嘅野菌，好正！飲品叫佐兩杯咖啡，一杯係Mocha，咖啡同奶嘅比例好好，好香醇嘅咖啡味，再加埋鮮奶嘅滑，好好飲！另外既Cuppuccino都係好好，濃縮咖啡真係好香，好重咖啡豆嘅香味，鮮奶造成嘅奶泡亦都整得好滑，好香，超好飲！