影片
更多
2023-08-30
68 浏览
每次來寶琳探朋友，都會去新都城食晚飯，今次當然亦唔例外，選了三期 1 樓這間主打精緻特色中菜嘅「將軍會館」。店舖裝潢時尚，內在環境寬闊，座位分布舒適，場內設有 VIP 房，非常適合一大班朋友聚餐。我哋點咗個兩位餐，另外再加咗個豉汁白鱔煲仔飯。個二人套餐 ($298) 十分豐富，一共有 6 道菜式。先上兩款前菜，涼拌萵筍絲拼煙燻三文魚。萵筍絲非常爽脆，條條分明容易夾，入口啖啖麻油香。三文魚厚切肥美 ，煙燻味適中 ，不會搶去魚肉的鮮味。跟住係每人一盅花膠螺頭爵士湯，燉湯非常足料，內有花膠、響螺、木瓜、雞腳、瘦肉、淮山和杞子等。湯頭鮮甜濃香，花膠軟腍黏糯，充滿骨膠原。接著是一道玉桂乳鴿，上桌時已一分為二，直接用手拿著吃，外皮炸得勁香脆，調味亦啱啱好，鴿肉嫩滑又多汁，足見火喉控制得宜。之後係天白菇扣鮑魚，鮑魚圓潤飽滿，肉質彈牙厚實，帶溏心鮑嘅甜味和鮮味；天白菇很好吃，菇味香濃，煮得又滑又有咬口。最後係每人一碗卡邦尼蝦球烏冬，蝦球好新鮮、爽口彈牙；烏冬滑溜煙韌，加上沾滿忌廉汁，入口帶濃郁芝士味和奶香。豉汁白鱔煲仔飯 ($88) 煲仔飯熱辣辣上檯，白鱔厚切，啖啖肉，嫩滑又有魚味。煲底飯焦金黃香脆
每次來寶琳探朋友，都會去新都城食晚飯，今次當然亦唔例外，選了三期 1 樓這間主打精緻特色中菜嘅「將軍會館」。
店舖裝潢時尚，內在環境寬闊，座位分布舒適，場內設有 VIP 房，非常適合一大班朋友聚餐。
我哋點咗個兩位餐，另外再加咗個豉汁白鱔煲仔飯。個二人套餐 ($298) 十分豐富，一共有 6 道菜式。
先上兩款前菜，涼拌萵筍絲拼煙燻三文魚。萵筍絲非常爽脆，條條分明容易夾，入口啖啖麻油香。三文魚厚切肥美 ，煙燻味適中 ，不會搶去魚肉的鮮味。
跟住係每人一盅花膠螺頭爵士湯，燉湯非常足料，內有花膠、響螺、木瓜、雞腳、瘦肉、淮山和杞子等。湯頭鮮甜濃香，花膠軟腍黏糯，充滿骨膠原。
接著是一道玉桂乳鴿，上桌時已一分為二，直接用手拿著吃，外皮炸得勁香脆，調味亦啱啱好，鴿肉嫩滑又多汁，足見火喉控制得宜。
之後係天白菇扣鮑魚，鮑魚圓潤飽滿，肉質彈牙厚實，帶溏心鮑嘅甜味和鮮味；天白菇很好吃，菇味香濃，煮得又滑又有咬口。
最後係每人一碗卡邦尼蝦球烏冬，蝦球好新鮮、爽口彈牙；烏冬滑溜煙韌，加上沾滿忌廉汁，入口帶濃郁芝士味和奶香。
豉汁白鱔煲仔飯 ($88) 煲仔飯熱辣辣上檯，白鱔厚切，啖啖肉，嫩滑又有魚味。煲底飯焦金黃香脆，混埋軟熟嘅米飯、蔥花、豆豉同醬油一齊食，非常惹味，值得推介！
壓尾再嚟個養顏甜品燕窩燉蛋白 ($28)，燕窩份量不少，蛋白很滑溜，加上甜度剛好，感覺很滋潤。
张贴
