影片
更多
2016-08-26
1033 浏览
可以食到自助餐咁嘅自由，又有新鮮刺身嘅味道，又有撐枱腳嘅浪漫，感覺係呢一度先做到。首先上嘅係意大利海鮮冰山，裏面有住各種刺身，分別有新鮮三文魚，希靈魚，鮮甜嘅鮑片，魷魚，帶子，仲有超級大嘅蟹腳。咪睇看佢小小咁一盆仔，裏面各種美味嘅刺身海鮮基本上係應有盡有，我覺得最值得讚賞同推薦就是又厚又肥美新鮮嘅三文魚，十分爽甜嘅魷魚片，仲有一口咬下去就有鮮甜的汁流進口裏面嘅長蟹脚。再黎就係可以自己親自煎嘅USA榖飼頂級牛肉條，細細條牛肉條，一邊伴住洋葱片一齊炒啊煎呀，香味一邊就自然咁散發出黎。牛肉條可以自己煎，熟度亦都可以隨心調教。不過咁鮮嫩嘅牛肉最好都係唔好煎至全熟，六到七成就ok啦！品嘗起黎，肉質真係好嫩，可以蘸芝麻醬一齊食，牛肉嘅鮮味都充斥住每一片洋葱，所以最後全盆清光。然後就係每位兩隻嘅特大加拿大牡丹蝦刺身，一睇到呢個蝦刺身就已經垂涎欲滴，顔色又漂亮，只望果個大蝦頭就已經能知道蝦肉嘅分量都好爽，不能小覷。一口咬落去，蝦肉口感好爽，非常新鮮。蝦頭我地都冇浪費喔，放埋進鍋裏作湯底。紅茶係呢個半自助餐其中一樣嘅飲品，對於非常喜歡飲熱茶嘅我來説，我比呢個紅茶一百分。茶葉放得足，茶味濃香。唔喜歡太濃嘅
可以食到自助餐咁嘅自由，又有新鮮刺身嘅味道，又有撐枱腳嘅浪漫，感覺係呢一度先做到。
首先上嘅係意大利海鮮冰山，裏面有住各種刺身，分別有新鮮三文魚，希靈魚，鮮甜嘅鮑片，魷魚，帶子，仲有超級大嘅蟹腳。咪睇看佢小小咁一盆仔，裏面各種美味嘅刺身海鮮基本上係應有盡有，我覺得最值得讚賞同推薦就是又厚又肥美新鮮嘅三文魚，十分爽甜嘅魷魚片，仲有一口咬下去就有鮮甜的汁流進口裏面嘅長蟹脚。
再黎就係可以自己親自煎嘅USA榖飼頂級牛肉條，細細條牛肉條，一邊伴住洋葱片一齊炒啊煎呀，香味一邊就自然咁散發出黎。牛肉條可以自己煎，熟度亦都可以隨心調教。不過咁鮮嫩嘅牛肉最好都係唔好煎至全熟，六到七成就ok啦！品嘗起黎，肉質真係好嫩，可以蘸芝麻醬一齊食，牛肉嘅鮮味都充斥住每一片洋葱，所以最後全盆清光。
然後就係每位兩隻嘅特大加拿大牡丹蝦刺身，一睇到呢個蝦刺身就已經垂涎欲滴，顔色又漂亮，只望果個大蝦頭就已經能知道蝦肉嘅分量都好爽，不能小覷。一口咬落去，蝦肉口感好爽，非常新鮮。蝦頭我地都冇浪費喔，放埋進鍋裏作湯底。
紅茶係呢個半自助餐其中一樣嘅飲品，對於非常喜歡飲熱茶嘅我來説，我比呢個紅茶一百分。茶葉放得足，茶味濃香。唔喜歡太濃嘅朋友可以自己加熱水，仲可以加檸檬片，自製新鮮無添加嘅檸檬茶。想要食一餐豐富嘅晚餐就可以在此享用，依家人在韓國都好想翻去再食一次呀！
张贴
