阿四車仔麵 (已結業)

見到呢間阿四車仔麵就諗起都有一排冇食過車仔麵。拎起張餐單，樣樣都想食，揀嚟揀去咁一於食佢個招牌麵，一碗麵已經有辣魚蛋、辣魷魚、豬皮、豬大腸、蘿蔔、雞翼尖、豬紅、瑞士雞翼、滷水蛋，大雜錦一碗唔會每樣餸都得少少，連蘿蔔都係兩大嚿，蘿蔔好甜，滷水蛋好大隻，滷水嘅餸都好入味，粗麵麵質幾好，煮到啱啱好一邊食麵之餘，仲發現枱面有提供腌製嘅蘿蔔粒，爽口又甜甜地，用嚟送麵幾好味，食咗好多，哈哈想試埋小食，所以就叫咗個日式吉烈蠔用埋炸唐揚雞塊，個日式吉烈蠔係估佢唔到，因為佢唔會一般嘅炸蠔 出面層厚粉，個蠔好細，呢間嘅吉烈蠔炸得幾好，隻蠔算大隻，炸雞塊都幾好味價錢嚟講係抵嘅，$38已經有三餸一麵，而且佢哋嘅服務態度都幾好架，呢餐真係食得好豐富好滿足！