阿爺八鮮鍋 (已結業)

第二次食呢間火鍋專門店，每位包括：燉湯🥢花膠年糕雞煲刺身拼盤🥢火鍋超級海鮮盒🥢任食配料Like & share佢哋嘅ig/fb會送廚師推介小食。今晚係番茄🍅芥末青瓜🥒和牛。燉湯係老黃瓜湯，清甜滋潤。花膠年糕雞煲好惹味。雞肉超級嫩滑。花膠好大塊，仲吸收晒醬汁嘅味道。食晒已經半飽😳。之前食過basic刺身拼盤，今次試咗 +$788 嘅魔王西澳龍蝦 象拔蚌 海立魚刺身拼盤🦞。西澳龍蝦味道鮮甜，帶點糯口。象拔蚌口感爽脆。海立魚肉質煙韌，味道鮮美。超級海鮮盒包括鮑魚、元貝、龍蝦。活海鮮味道鮮甜。不過鐘意龍蝦嘅最好都係食刺身西澳龍蝦，鮮甜好多😋。當日火鍋湯底有兩款：椰子雞湯/龍蝦湯。我哋只係試咗椰子雞湯。清甜又唔油膩，配海鮮、蔬菜都好啱。任食嘅配料選擇好多。鮑魚、蟶子、海蝦、海花蟹、花甲都有得任食。雖然食到呢度已經七成飽，但今次都試咗蟶子、海蝦、花甲。蟶子肥美鮮甜。海蝦大隻而且爽口彈牙。花甲雖然隻隻都有開口，但花甲肉比較瘦。今次只係試咗手切安格斯牛小扒。肉味香濃，只係略嫌瘦咗啲整體嚟講呢間餐廳菜式豐富，用料上乘。不過最好帶啲大胃王朋友嚟KO雞煲🤪。