浪人日本料理 (已結業)

一直視浪人為灣仔高質飯堂，午市選擇多、水準穩定。 套餐配前菜、沙律、味噌湯及飲品，價錢由$90至$168不等，性價比好高。海膽三文魚丼 lunch set ($125)厚切肥美既三文魚點少少即磨芥辣，軟滑甘香盈滿口腔，啖啖肉既新鮮魚質令人滿足。 輕輕拌勻海膽飯，色澤鮮明既海膽掛係珍珠米上，味道鮮甜夠creamy。 講真就實冇日本當地驚豔既甜度架喇，但合格有餘。魚生下既醋飯灑上黑芝麻，調味恰到好處，就算冇餸都食得哂，但略嫌當日比之前實左少少。 酸甜沙律新鮮爽脆，味噌湯亦唔係開粉貨色，飲品可選汽水、黑糖薑茶或蜂蜜綠茶，整體細節上都好有誠意。