The Point Kitchen (The Lohas) (已結業)

日出康城商場都開了一段時間，之前都食過The Point Kitchen，今日同妹妺再來，食下傾下又一個開心晚上。店內擺設優雅整齊，座位部分是卡位，非常闊落，最多可以坐六人，食物種類都適合一家大細。《Weekday Dinner Set for Two》是日餐湯-椰菜花巴馬火腿忌廉湯~湯質地好幼滑。龍蝦湯~味道香濃，仲食到有龍蝦肉。是拉差烤雞薄餅(9")~烤雞肉，配料包括紅洋蔥、車厘茄、羅勒、是拉差蛋黃醬，最特別是辣辣地嘅是拉差蛋黃醬，感覺好新穎，薄餅鋪滿軟淋淋芝士，餅底厚度好適中，趁熱吃完一件又一件。酥炸牛仔肉排沙律~經典意大利酥炸牛仔肉排十分香口，外層鬆脆，黑松露蛋黃醬，這個醬汁黑松露味道較重，沾小小便可以了，其他材料包括煎太陽蛋、車厘茄火箭菜巴馬臣芝士沙律，沙律菜分量再多一點更理想。曲奇忌廉芝士蛋糕~芝士蛋糕味道香濃，配合曲奇脆粉，多重味覺享受。套餐加餐牌杯裝飲品半價，紅石榴檸檬果茶及芒果香茅果茶~我自己試咗個紅石榴檸檬果茶，檸檬味較重，酸酸地，好清新。