翠華餐廳 (已結業)

觀塘新開左翠華,相約同事返工前去食下啦...個舖都好大下, 而家大家一聽到"翠華"個名,第一時間都會話,"嘩,好費架喎"....的確係真丫...早餐都三十幾蚊,同事揀左個鮑絲通粉, 我就食歐陸早餐...有吉列魚柳, 炒蛋, 南瓜蓉, 茄汁豆同牛油豬仔, 真係一個非常豐富o既早餐, 個個都話早餐要食得豐富d,所以成日比藉口自己食好d, 個魚柳都ok, 但個炒蛋無味..又唔滑, 個南瓜蓉又係無味又唔夠蓉, 豬仔就好多粉...佢杯奶茶個杯就靚喇, 但味道都係一般, 只係滑而唔夠茶香...佢都係名過於實, 見佢o既香檳奶茶都21蚊支...見早餐食奶油豬就特價9蚊, 翠華對大部分人黎講,佢係特別貴, 而唔係特別好食...