辛味屋

营业中

休息中

近年日式咖哩店越來越流行，多數都係主要得飯類選擇。今日來睇戲，順便試下呢間近日新開ge咖哩專門店。睇下Menu，發現除左咖哩飯，仲有烏冬，小食同丼選擇，豐富度更勝其他咖哩品牌。試左牛肉咖哩烏冬，waitress話可以選擇豬骨湯或咖哩湯底，又話咖哩湯底其實都係豬骨湯煲成，難得來咖哩專門店，無理由唔叫咖哩湯底啦，飲落個湯底唔會得個咖哩味同好稠，都幾甘甜。烏冬食得出係日本烏冬，無酸味，就算浸係湯好耐都唔會"LUM"曬。牛肉用洋蔥炒過，所以食落比較香口。加左杯咖啡，咖啡味道正正常常。埋單六十零蚊，我覺得以日本餐來講算抵食。