影片
更多
2023-02-17
1772 浏览
2023年2月8日 星期三今晚收工之後同老婆去左荃灣西行下，發現改變左好多，特別係多左商場同店舖，帶動左人流，熱鬧左原來海之戀商場入面都有好多餐廳進駐左，我哋最後揀左呢間hungry monkey，睇見網上評價唔錯，而且又係食日本嘢，啱晒我哋入到去坐低咗發現餐牌有二人套餐，而且仲做緊特價，$400都唔使就有齊前菜、主菜同甜品，所以我哋叫咗呢個餐再加其他小食同飲品首先嚟到既係青蘋果蟹籽沙律，有勁多蟹籽喺上面，同青蘋果幾配合，酸酸甜甜咁幾開胃之後嘅前菜仲有蟹膏豆腐，師傅應該係將蟹膏放咗喺豆腐上面燒左一陣，然後再加上蟹籽，口感好豐富，令到本身冇乜味嘅豆腐增添左濃郁嘅蟹味，蟹膏嘅鹹香同豆腐都好夾飲品方面，我哋分別叫咗17碎半同綠帽俠，17碎半裏面有蘋果汁、柚子皮、薑啤、檸檬汁同荔枝肉，酒味唔算太濃郁，酸酸甜甜幾易入口至於老婆要既綠帽俠，其實係混合咗青蘋果糖漿、薄荷葉、青檸汁同七喜，所以睇落去咁綠色，而且味道好清新，啱晒唔鍾意飲酒嘅人呢一個燒鱈魚乾正好可以要嚟送飲品，一邊飲一邊食最岩，鱈魚乾燒得好香脆，一咬就斷開，加埋沙律醬一齊食味道更加好之後有主菜蠔仔御好燒，之前完全冇諗過御好燒裏面會有蠔做配
今晚收工之後同老婆去左荃灣西行下，發現改變左好多，特別係多左商場同店舖，帶動左人流，熱鬧左
原來海之戀商場入面都有好多餐廳進駐左，我哋最後揀左呢間hungry monkey，睇見網上評價唔錯，而且又係食日本嘢，啱晒我哋
入到去坐低咗發現餐牌有二人套餐，而且仲做緊特價，$400都唔使就有齊前菜、主菜同甜品，所以我哋叫咗呢個餐再加其他小食同飲品
首先嚟到既係青蘋果蟹籽沙律，有勁多蟹籽喺上面，同青蘋果幾配合，酸酸甜甜咁幾開胃
之後嘅前菜仲有蟹膏豆腐，師傅應該係將蟹膏放咗喺豆腐上面燒左一陣，然後再加上蟹籽，口感好豐富，令到本身冇乜味嘅豆腐增添左濃郁嘅蟹味，蟹膏嘅鹹香同豆腐都好夾
飲品方面，我哋分別叫咗17碎半同綠帽俠，17碎半裏面有蘋果汁、柚子皮、薑啤、檸檬汁同荔枝肉，酒味唔算太濃郁，酸酸甜甜幾易入口
至於老婆要既綠帽俠，其實係混合咗青蘋果糖漿、薄荷葉、青檸汁同七喜，所以睇落去咁綠色，而且味道好清新，啱晒唔鍾意飲酒嘅人
呢一個燒鱈魚乾正好可以要嚟送飲品，一邊飲一邊食最岩，鱈魚乾燒得好香脆，一咬就斷開，加埋沙律醬一齊食味道更加好
之後有主菜蠔仔御好燒，之前完全冇諗過御好燒裏面會有蠔做配料，而且仲要有好多隻，每一啖都食到蠔肉，冇腥味，粉漿又唔算好厚，加上醬汁夠惹味，連埋上面嘅木魚，全部都出奇地夾
呢個係我哋加咗$100點既海膽醬加拿大龍蝦，嚟到嘅時候已經燒得好香，海膽醬覆蓋晒成隻龍蝦，所以每一啖都食到海膽同龍蝦味，龍蝦比較有咬口，但係唔會太韌，個人認為啱啱好
主菜仲有鐵板牛柳配芥末籽汁，睇落去牛柳份量雖然唔係好多，不過好厚身，每人食一半都可以切開四至五塊，肉味幾濃郁，而且生熟度大約5成左右，有少少粉紅色，但係冇血水流出來，入口唔韌
呢一個唐揚甘蝦係我哋另外加錢點嘅，份量都唔少，而且咬落去真係卜卜脆，連成個蝦頭都食得，上面加少少檸檬汁再食感覺會無咁油膩
最後甜品方面有朱古力雪糕窩夫同馬卡龍，兩款都唔算太甜，窩夫夾住朱古力雪糕幾夾，好似食緊雪糕三文治咁
食左咁多野埋單一千蚊有找，又食龍蝦又食牛柳，真係幾抵食
张贴
