相馬日式火鍋 觀塘 (已結業)

肉類海鮮放題食得多，大閘蟹放題都聽過，但兩樣mix埋一齊就未試過。呢度真係唔錯嘅選擇，價錢亦合理。💲🥓先講講呢度啲肉，係比出面一般薄少少嘅，不過我覺得都可以接受，因為始終大閘蟹先係主角。同埋啲肉又唔係話真係好差，都係合格嘅質素。🌊海鮮反而又幾好。佢個份量都幾大肉夠多，而且都算係幾新鮮。特別係啲蝦都幾鮮甜，唔會話係死左好耐啲蝦。🦀主角大閘蟹果然真係唔錯。大隻就係基本呀，外形又靚仔。鮮甜都係不出所料，而裏面確係好多蟹膏🤤而且呢度仲有其他種類嘅嘢可以任食㗎！大家不妨黎試下💯