Texas Burger (已結業)

就到聖誕，今日約好朋友行街街，買聖誕禮物，shopping 之前梗係要醫好個胃先可以作戰。旺角朗豪坊開設Texas Burger，之前成日行過都好想試。今日卒之可以試一試。一坐就比佢個招牌芋香奶昔拼窩夫吸引，賣相吸睛，上枱即刻打咭。奶昔頂層放著兩件窩夫，窩夫口感煙韌，杯旁有好多朱古力碎，奶昔甜度適中，不會過甜。士多啤梨都好甜架車打芝士牛肉漢堡，內有生菜，蕃茄圈同牛肉。牛肉厚切，麵包皮都好脆口，成塊車打芝士夾係中間，外香肉軟，肉汁豐富，真係無得彈！墨西哥芝士夾餅，饀料多款選擇，而我地就揀左燒烤手撕豚肉同煎牛柳條，餅底要脆皮，配以特製墨西哥風味既辣椒Salsa醬同青蕃茄，口感豐富又滋味。食完棒住肚出發去血拼。