黑樺牛 (已結業)

黑樺牛位於尖沙咀堪富利士道, 鄰近尖東站, 交通都幾方便。食店主打和牛放題, 地方相當闊落。點了花雕日本薩摩雞藥膳鍋, 湯底幾足料, 又有藥單嘅香味, 作為打邊爐湯底幾合適。頭盤是鬼馬油炸鬼和麻辣拼盤, 口感唔錯。以雀籠裝潢既精選層架, 精緻又特色, 有薄切五花肉, 和牛, 手打蝦滑和墨魚滑等。此外, 任點A5熊本黑樺和牛不同部位優質肉食, 尤其以特上霜降小排和肩胛梅花, 油脂分佈均勻, 肉質鮮嫩美味。醉玫瑰日本佐賀名水豚五花, 牛肉灼熟後仍然散發陣陣酒香, 別具一番風味。A5熊本黑樺和牛玉子後腰肉肉質幼嫩, 以雞蛋點食, 幼滑中帶蛋香。加上幼滑香口溫泉蛋飯和新鮮清甜皇帝菜, 相當豐富嘅和牛放題。