影片
更多
2017-09-12
264 浏览
周末黎到屯門真係人多擠迫，帶埋小朋友出門要搵間佢地都岩食又坐得OK嘅餐廳有時都唔係咁易。阿女鍾意食面，又唔想成日淨係食西餐意粉，越南野其實係個不錯的選擇。今日中午12點去到餐廳都開始多人，但好彩仲有幾張枱剩，我地兩家人大大細細都已經八個人！最後幾張枱拍埋就比左我地了人多好處就係可以叫多幾款食物，今日叫左以下：一碗火車頭，一碗蕃茄牛腩河，一碟魚露什菌肥牛炒金邊粉，一客原個椰青海鮮焗飯一客香芒軟殻蟹米紙卷，一客木瓜沙律，一客馬拉盞通菜，一客咖喱牛筋腩煲四大兩小（三歲）兩B（飲奶）食到捧住個肚走火車頭湯底好正！唔會淡口，但又唔係味精湯咁！就係鍾意呢隻湯底味！碗粉亦十分足料！每款配料有成兩三舊，包括爽口牛柏葉，嫩滑牛筋腩，滋味牛丸，薄切生牛肉，仲有個應該似係牛腩片，十分豐富！呢個就係叫火車頭的好處，乜都有得食啲。芽菜青檸另上至於蕃茄牛腩河個湯底都好濃郁杰身，蕃茄味好濃，酸甜開胃，而且牛筋腩好冧好好食！魚露什菌肥牛炒金邊粉朋友讚口不絕，我自己就略嫌少許油，但其實炒粉面預左係會油啲，佢實屬正常範圍，只係我比較怕肥。原個椰青海鮮焗飯，又係我另一至愛，最鍾意叫啲原個乜乜物黎食！一黎個賣相已經好吸引，而
今日中午12點去到餐廳都開始多人，但好彩仲有幾張枱剩，我地兩家人大大細細都已經八個人！最後幾張枱拍埋就比左我地了
人多好處就係可以叫多幾款食物，今日叫左以下：
一碗火車頭，一碗蕃茄牛腩河，一碟魚露什菌肥牛炒金邊粉，一客原個椰青海鮮焗飯
一客香芒軟殻蟹米紙卷，一客木瓜沙律，一客馬拉盞通菜，一客咖喱牛筋腩煲
四大兩小（三歲）兩B（飲奶）食到捧住個肚走
火車頭湯底好正！唔會淡口，但又唔係味精湯咁！就係鍾意呢隻湯底味！碗粉亦十分足料！每款配料有成兩三舊，包括爽口牛柏葉，嫩滑牛筋腩，滋味牛丸，薄切生牛肉，仲有個應該似係牛腩片，十分豐富！呢個就係叫火車頭的好處，乜都有得食啲。芽菜青檸另上
至於蕃茄牛腩河個湯底都好濃郁杰身，蕃茄味好濃，酸甜開胃，而且牛筋腩好冧好好食！
魚露什菌肥牛炒金邊粉朋友讚口不絕，我自己就略嫌少許油，但其實炒粉面預左係會油啲，佢實屬正常範圍，只係我比較怕肥。
原個椰青海鮮焗飯，又係我另一至愛，最鍾意叫啲原個乜乜物黎食！一黎個賣相已經好吸引，而淋面的椰汁十分香濃，配埋個炒飯底一絕！唔好睇佢好似好大份驚好"漏"，其實椰青內胆唔係好大，所以絕對食得晒，但又唔會唔夠飽，因為椰汁焗飯其實都幾易食飽人的
香芒軟殻蟹米紙卷，點埋枱上提供的魚露食，十分清新。食飯食面食到飽飽地，夾件凍凍地又酸酸甜嘅米紙卷等個口清新下又可以繼續食落去！
木瓜沙律同馬拉盞通菜，都係正常惹味菜式。 至於客咖喱牛筋腩煲，咖喱味香濃，但唔會辣，牛筋腩炆得好冧，ORDER 蒜蓉包或白飯撈汁食應該勁正，但可惜已經好飽，唯有下次。
整體成餐飯都好好食，價錢相宜，必定再去！可惜今日去到掛住SETTLE 阿女，又掛住食完去行街，完全忘記左影相！
张贴