板長壽司 (昌記大廈) (已結業)

雖然今日天陰陰，但係今日係星期五喎，所以決定同同事搭小巴出去食今日食板長，兩個人即入即有位我地叫左6件壽司，有火炙三文魚、帆立貝、仲有甜蝦，每款一人一件啲壽司握得實，唔會甩啲飯出黎，同埋好fresh，好有壽司味三件真係唔夠喉，應該叫多啲之後叫左碟清酒煮蜆粒粒都好大粒，啲蜆肉都好肥美！不啲啲清酒味就較為淡啲，可以再濃啲同入味啲最後仲叫左個午市套餐，炸蝦烏冬。個烏冬料幾足，有冬菇，蟹柳，蛋，豚肉仲有菜！烏冬幾彈牙，湯味幾濃，蝦同菇都唔會好油膩，炸粉唔厚，又幾脆今日個午餐都幾豐富，價錢都可接受，一人一百，lunch都可以考慮下食板長