影片
更多
2022-12-16
170 浏览
好姊妹就快生日, surprise地book咗佢公司附近一間日式西餐廳同佢預祝生日, 呢間餐廳主打日本直送九州鹿兒島自家農場產「野崎牛」, 仲有以100%日本產黑毛和牛製作嘅漢堡扒, 足料講究, 而且地點遠離熱鬧街道, 又近會展港鐵站, 可以好好慢嘆一番。餐廳環境舒適闊落, 坐得舒服。正好發現新推出二人餐, 款式岩哂我地心意, 就order咗呢個set。【Winter celebration dinner set】HK$1,499 (二人餐)套餐包括了沙律、南瓜湯、意粉、main course (二選一)、甜品同埋自選飲品兩杯 (紅/白酒/coffee/tea)蟹肉蟹籽沙律:清新爽脆沙律菜、紫洋蔥絲, 配上梳梳鮮甜蟹肉同埋蟹籽, 鮮甜有層次, 而且加咗黑椒柚醋汁, 微酸清新。香煎帶子南瓜湯:原粒帶子表面煎至金黃, 內裡keep為半刺身口感, 鮮甜味十足; 南瓜湯質感呈糊狀, 南瓜味濃郁香甜, 口感很夾。三文魚味噌魚籽意粉:意粉有些少口感, 熟嘅三文魚粒依然keep到嫩滑, 個汁配上魚籽鹹香提鮮, 菠菜味道回甘;Main course (三選一)100% 日本產黑毛和牛漢堡扒 配黃金雲丹
餐廳環境舒適闊落, 坐得舒服。
正好發現新推出二人餐, 款式岩哂我地心意, 就order咗呢個set。
【Winter celebration dinner set】HK$1,499 (二人餐)
套餐包括了沙律、南瓜湯、意粉、main course (二選一)、甜品同埋自選飲品兩杯 (紅/白酒/coffee/tea)
蟹肉蟹籽沙律:
清新爽脆沙律菜、紫洋蔥絲, 配上梳梳鮮甜蟹肉同埋蟹籽, 鮮甜有層次, 而且加咗黑椒柚醋汁, 微酸清新。
香煎帶子南瓜湯:
原粒帶子表面煎至金黃, 內裡keep為半刺身口感, 鮮甜味十足; 南瓜湯質感呈糊狀, 南瓜味濃郁香甜, 口感很夾。
三文魚味噌魚籽意粉:
意粉有些少口感, 熟嘅三文魚粒依然keep到嫩滑, 個汁配上魚籽鹹香提鮮, 菠菜味道回甘;
Main course (三選一)
100% 日本產黑毛和牛漢堡扒 配黃金雲丹+溫泉蛋:
紫蘇葉上放了海膽, 甘甜入口即溶; 葉下有一隻流心半熟溫泉蛋, 漏出豐富蛋汁, 跟海膽汁混合; 漢堡扒以100%日本產黑毛和牛製作, 表面煎至微微焦香, 肉質軟嫩多汁, 沾上mix咗嘅海膽蛋汁食, 平衡到濃郁味道。
香煎比目魚 配西西里魚湯
西西里魚湯偏淡, 清清地, 比目魚魚皮微脆香口, 魚質鮮嫩, 配上大量爽脆洋蔥圈, 配搭夠健康。
麵包布甸伴雲呢拿雪糕:
暖暖嘅麵包布甸表面烘至微脆, 甜甜地, 配上凍冰冰嘅濃郁雲呢拿雪糕, 在口中冷暖對比, 超正!
张贴
