影片
更多
2024-06-01
33 浏览
補祝紀念日梗係食我哋最鍾意嘅日本嘢啦，今次帶咗老公嚟呢間個名好詩意嘅日本餐廳試吓。我哋試咗個豐富二人餐（$880），好滿意。臨走仲見到有男士$163 女士$98 3小時任飲清酒優惠添，下次同朋友要再嚟飲。蟹肉蟹籽沙律蟹籽份量多，青瓜爽脆加埋鮮甜嘅蟹柳同埋蟹籽，最重要係沙律醬夠晒多撈，沙律清新開胃。刺身有煙燻鯖魚/三文魚/間八/油甘魚/帆立貝/赤身/赤蝦/甜蝦可以選擇，可以揀五款。我哋揀嘅三文魚超級肥美，油甘魚甘香，帶子赤蝦都鮮甜，赤身都冇筋。壽司我哋揀咗左口魚邊、赤貝、金目鯛、松葉蟹肉4款。其中我最鍾意左口魚邊壽司同埋金目鯛壽司，火炙過嘅左口魚邊魚油甘香，入口即溶。金目鯛鮮甜，面頭灑上脆脆嘅魚鱗，口感好好。另外赤貝都爽口，松葉蟹肉份量都多而且鮮甜。燒物我哋揀咗鹽燒大虎蝦同埋口燒牛舌芯。虎蝦好大隻，啖啖肉，肉質爽口。牛舌芯肉質鮮嫩鮮嫩，唔會燒得過火，調味啱啱好，鹹香鹹香咁樣。揚物虎蝦天扶良好好食，揸得一啲都唔油膩，天婦羅粉卜卜脆脆，裏面蝦肉好大隻，一樣係爽口鮮味。配料仲有炸南瓜添。鳗魚炒飯材料份量都慷慨，有好多鰻魚，而且都幾大件，唔係細碎嘅小粒，鰻魚都幾肥美。不過略嫌炒飯味道淡咗啲，如果
蟹肉蟹籽沙律
蟹籽份量多，青瓜爽脆加埋鮮甜嘅蟹柳同埋蟹籽，最重要係沙律醬夠晒多撈，沙律清新開胃。
刺身
有煙燻鯖魚/三文魚/間八/油甘魚/帆立貝/赤身/赤蝦/甜蝦可以選擇，可以揀五款。我哋揀嘅三文魚超級肥美，油甘魚甘香，帶子赤蝦都鮮甜，赤身都冇筋。
壽司
我哋揀咗左口魚邊、赤貝、金目鯛、松葉蟹肉4款。其中我最鍾意左口魚邊壽司同埋金目鯛壽司，火炙過嘅左口魚邊魚油甘香，入口即溶。金目鯛鮮甜，面頭灑上脆脆嘅魚鱗，口感好好。另外赤貝都爽口，松葉蟹肉份量都多而且鮮甜。
燒物
我哋揀咗鹽燒大虎蝦同埋口燒牛舌芯。虎蝦好大隻，啖啖肉，肉質爽口。牛舌芯肉質鮮嫩鮮嫩，唔會燒得過火，調味啱啱好，鹹香鹹香咁樣。
揚物
虎蝦天扶良好好食，揸得一啲都唔油膩，天婦羅粉卜卜脆脆，裏面蝦肉好大隻，一樣係爽口鮮味。配料仲有炸南瓜添。
鳗魚炒飯
材料份量都慷慨，有好多鰻魚，而且都幾大件，唔係細碎嘅小粒，鰻魚都幾肥美。不過略嫌炒飯味道淡咗啲，如果再香口惹味啲就好。
湯
湯都幾有驚喜，係好濃郁嘅蝦湯，仲有海鮮配料同埋雜菜。
甜品
甜品係波子汽水刨冰加布甸，配上朱古力餅乾脆脆，味道幾清爽，唔會太甜。
张贴
