北京老家 (已結業)

屋企人想食中菜，我就訂左北京老家一齊食個豐富晚餐!香乾拌肚絲 - $78豬肚絲好爽口豬皮凍 - $88望落晶瑩剔透，好似食緊啫喱咁~香脆鴨皮連薄餅(1隻) - $358鴨皮連鴨肉好香好好食，再加埋熱辣辣既薄餅，必點!!!!!孜然羊肉 - $108少少羊騷味，好惹味!!草綑牛骨 - $318見到好多人食，一於叫返個! 牛肉口感好腍，陣牛味會慢慢滲出黎，清清地又幾好食!糖醋魚片 - $118外脆內嫩，甜酸醬調配得岩岩好，好開胃!葱燒海參 - $328經慢火燜完既海參放係西蘭花上面，骨膠原豐富! 西蘭花好爽，撈埋個汁仲好味!拔絲蘋果 - $88立體既拉糖令到個蘋果變得好有貴氣! 蘋果好爽口，加埋拔絲既甜味，成個酸酸甜甜咁好好食!高力豆沙 - $88軟軟既粉團炸到金黃色，入面包住甜豆沙，咬落好鬆軟! 就算加埋好多沙糖都唔會過甜，食落會有幸福感!