相馬日式火鍋 觀塘 (已結業)

一次性海鮮呢個係蒸海鮮鍋，一次性但係都好多海鮮，鮑魚，扇貝，蜆，開邊琵琶蝦，海蝦，花甲，款款都鮮甜，蒸海鮮保留曬海鮮啲原味，加埋蒜蓉，濃香入味，超級咁正！任食火鍋火鍋配料就好豐富，肉，海鮮，蔬菜都有，豚肉好嫩好腍，質感好好，豬味香濃，啲粟米仔同菇菌類都好新鮮，海鮮都多款式！任食炸物最吸引既一定係炸雞翼，雞翼係單骨雞翼，唔駛吐骨，雞翼味道多多，全部新鮮即炸，就咁椒鹽味都已經好好味啦！其他炸物好似吉列炸蝦，蝦多士呢啲都好正，蝦肉爽彈好食，又夠鬆脆！大閘蟹都真係好正，唔會因為任食質素就差，多膏鮮甜，味美鮮嫩！