食美軒 (已結業)

食美軒最近推出咗一人便當🍱便當的包裝好靚❤️用紅色金線青海波紋布包住充滿日系風格一人外賣便當 ➖ $68便當內有鹵肉飯、中式主菜一款、台灣鹵味兩款、涼菜一款，仲配送老火燉湯，好足料🥣可以自選自己喜歡的組合👍🏻便當份量好豐富，真係食到好飽！栗子紅燒肉、豬耳朵、花枝丸、麻醬秋葵紅燒肉肥而不膩，醬汁好香。栗子肥大圓渾，味道香甜。豬耳朵口感爽脆。秋葵佐芝麻醬好開胃，秋葵營養豐富。鹵肉軟腍香滑，入口不油膩，拌飯好好味，久違台灣的味道！秘製三杯雞、五花肉、大腸、桂花糖蓮藕三杯雞調味好香濃。五花肉軟腍入味。大腸有嚼勁且不硬。桂花糖蓮藕甜糯，桂花香氣濃郁，好特別。